السلام عليكم
اسعد الله اوقاتكم بكل خير
ما قام به الشيخ هزاع الروسان عمل مشرف وأقامة باسم قبيلة عنزة وهذا ما يدعونا الى الاعتزاز بما قام به
فعند الفرح والاعتزاز ليس للشاعر الا قريحته
فمن بريطانيا ارجوا ان تتقبلوا هذه المشاعر الصادقة
الشعر ابلغ من كثير الهرج وحروف المقال = وهاك المشاعر والشعر والله عليم بمقصدي
ابغى يسجّلي اسم / لاجو يعدون الرجال = من لا يسجله اسم مع طولة الوقت يغدي
انا هنا ياهل الحفل والشاعر اعطوله مجال = متوشح ٍ بندق شعر / والقافيه في مجندي
نظمتها في مشطها حسب التساوي باعتدال = يعني على قولة هل الميدان قاديهن / قدي
نيشانهن / رجل ٍ خذا بالطيب له عدة خصال = مقصودهن / إيضاح فرحتنا وتبرير سعدي
ياراعي الذود المهيب / اللي غواربهن طوال = اللي على جرد الصحاري كنهن طش بردي
المستديرات الخفاف / بقاع سيقان ٍ جلال = المرتعات بهيبة الويلان بربوع بلدي
ايه انت يالروسان يا سمح المحيا والقبال = يامن وصل صيتك مدارات الثريا / والجدي
يا مجمل ٍ ربعك بفعل الطيب مافيها جدال = يوم ان غيرك ما خذا بالمرجله كود "البدي"
والا انت / مبطي وانت عند الطيبين اعلى مثال = باطباعك اللي صرت اسولف طيبها عند ولدي
من نصرة المحتاج / لين اوصل مباهير الدلال = اللي تساق بمجلسك من اجودي / ليد اجودي
مبروك يامن فاز بالمقدار بصدور الرجال = قبل المزاين وانت كن الطيب يعدي لك عدي
جيتك امثل لابة الجدعا مفاتيح العضال = اللابة اللي ما يجي من صوبها علم ٍ ردي
والشعر ابلغ من كثير الهرج وحروف المقال = وهذي مشاعرنا شعر والله عليم بمقصدي
ابغى يسجلّي اسم / لا جو يعدون الرجال = من لا يسجله اسم / مع طولة الوقت يغدي
جيتك امثل لابة الجدعا مفاتيح العضال
العرض العادي
